„Антигона“-Софокле (анализа на лик)

               „Антигона“ е една од попознатите драми на Софокле. Во драмата се сретнуваме со повеќе ликови од кои главен е Антигона. Од древноста до денес, ретко женскиот лик е главен и носител на насловот на делото. Едно од ретките е токму „Антигона“ на Софокле. Иако главните одлуки ги носи Креон, царот на Теба, Антигона сепак има неколку предности.

               Антигона е ќерка на царот Едип. Таа има двајца браќа и една сестра, од кои едниот брат е предавник во очите на Креон, а и сите други во Теба. Откога двајцата браќа се убиле во борба, помалиот брат Етеокле бил погребан со сите почести додека постариот брат Полиник бил оставен на птиците. Антигона е толку чесна, достоинствена и посветена што не може да го остави својот брат на мршојадците. Таа решава да го погреба, знаејќи дека ова ќе и го чини животот. Таа знае дека ако го погреба се веќе ќе биде готово, љубовта кон свршеникот Хемон, нејзините желби, како и заповедта на Креон. Но таа знае дека ако не го погреба својот брат, нема да може мирно да живее, како и нема да може мирно да умре. За неа е поважно да го зачува нејзиното, но и достоинството на нејзиниот брат.

               Антигона е многу цврст, храбар, чесен и достоинствен лик. Таа иако знаејќи дека го ризикува својот живот, не можеше да го остави својот брат. Нејзината постапка ја прави една од најпожртвуваните ликови во литературата, и нејзините постапки ја прават поцврста и подостоинствена од мажите.